Posts

Voice of Kannada

Image
ಕನ್ನಡ ಬಾರದಿರುವವರಿಗೂ ಓದಲು ಅನುಕೂಲವಾಗಲಿ ಎಂದು ಈ ಲೇಖನವನ್ನು ಇಂಗ್ಲಿಷ್ ಭಾಷೆಯಲ್ಲಿ ಬರೆದಿರುವೆ. November 1st is a special occasion for KANNADIGAS as it is on this day that our state came into being. KARNATAKA was formed on 1st November 1956 when Government of India decided to form linguistic states. Today with great pain and anguish I share my feelings on what is happening in KARNATAKA to the aboriginals of KARNATAKA in the recent past. I have been noticing that many of our fellow KANNADIGAS don’t use proper KANNADA and are unaware of the common KANNADA words. They find it difficult to converse in KANNADA and they are so much inclined towards other languages that, they have totally forgotten their regional language. A Maharashtrian succeeds in teaching a non maharashtrian MARATHI, but a KANNADIGA fails or never bothers to teach KANNADA to non kannadigas. WHY IS THIS? I stress that if people try to speak with you in any language other than KANNADA or HINDI, reply in KANNADA only, even if they don`t...

Nano Stories...

Nano Stories....ಇದು ನನ್ನ ಹೊಸ ಪ್ರಯೋಗ. These are very short stories with a twist at the end. (Not to make you feel bored) ನಾ ಬರೆದ ಕೆಲವು Nano ಕಥೆಗಳ ಸಂಗ್ರಹ ಇಲ್ಲಿವೆ.

ನಂಬಿಕೆ.

Image
ಮೊದಲ ಪರೀಕ್ಷೆ ಬರೆದು ಮನೆಗೆ ಬಂದ ಚಿಂಟು, US returned ಚಿಕ್ಕಪ್ಪನ ಕಂಡು ಖುಷಿಯಿಂದ ಕುಣಿದಾಡಿದ. ಆವರ ಕೈಯ್ಯಲ್ಲಿದ್ದ Gift Box ನೋಡಿ, ಅದು ಅವರು ತನಗಾಗಿ ತಂದಿರುವ Video Game ಅಂದುಕೊಂಡು, ಅದನ್ನು ತೆರೆಯಲು ಹೋದ. ಅಷ್ಟರಲ್ಲಿ ಅವರಮ್ಮ, ಉಳಿದ 5 ಪರೀಕ್ಷೆಗಳಾದ ನಂತರವೇ ನೀನದನ್ನು ನೋಡಬೇಕು ಎಂದಾಗ, ಚಿಂಟುವಿಗೆ ಬೇಸರದ ಜೊತೆ ಅಮ್ಮನ ಮೇಲೆ ಕೋಪವೂ ಬಂತು. ಅಮ್ಮ ತಂದಿತ್ತ ದೋಸೆಯನ್ನು ತಿನ್ನುತ್ತಿದ್ದಾಗಲೇ, ಚಿಂಟುವಿನ ಸ್ನೇಹಿತ ಗುಂಡ "ಬಾರೋ ಚಿಂಟು Group Studies ಮಾಡೋಣ" ಎಂದು ಕರೆದ. ಚಿಂಟುವಿನ ಅಮ್ಮ "ನಾಳೆ Science Exam ಇದೆ, ತರಲೆ ಮಾಡದೆ, ಓದಿ ರಾತ್ರಿ 9ಕ್ಕೆ ಮನೆಗೆ ಬಾ. ಊಟ ಮಾಡಿ ಮಲಗುವೆಯಂತೆ" ಎಂದರು. "ಹೂಂ" ಎಂದು ತಲೆಯಾಡಿಸಿದ ಚಿಂಟು, ಗುಂಡನ ಮನೆಗೆ ಹೋಗಿ, ಅಲ್ಲಿ ಅವನ ಜೊತೆ "Spider Man" ಆಡುವಲ್ಲಿ ನಿರತನಾದ.

ಹತಾಶೆ.

Image
March 31ರಂದು, ಕಿಕ್ಕಿರಿದ ಬಸ್ಸಿನಿಂದ ಹೇಗೋ ಕಷ್ಟಪಟ್ಟು ತನ್ನ ಸ್ಟಾಪ್ ಬಂದಾಗ ಕೆಳಗಿಳಿದ ಸರ್ಕಾರಿ ನೌಕರ ರಮೇಶನ ಗಮನಕ್ಕೆ ಮೊದಲು ಬಂದದ್ದು, ತನ್ನ ಕಿತ್ತುಹೋದ ಚಪ್ಪಲಿ. ಅಲ್ಲಿಯೆ ಹತ್ತಿರದಲ್ಲಿದ್ದ ಚಮ್ಮಾರನ ಅಂಗಡಿ ಕಾಣಿಸಿದಾಗ, ಮೊಗದಲ್ಲಿ ಮೂಡಿದ ಮಂದಹಾಸ ಹತಾಶೆಗೆ ಪರಿವರ್ತನೆಯಾಗಿದ್ದು, ಚಿಲ್ಲರೆ ತೆಗೆಯಲು ಜೇಬಿಗೆ ಕೈ ಹಾಕಿ, Pickpocket ಆಗಿದೆ ಎಂದು ಗೊತ್ತಾದಾಗ.

ಕಣ್ಮರೆ.

ವಠಾರದಲ್ಲಿ "ರಸಿಕ ರಾಜ" ನೆಂದೇ ಪ್ರಸಿದ್ದನಾಗಿದ್ದ ವೆಂಕಿ, ಸ್ನೇಹಿತರೊಂದಿಗೆ ಕಾಫಿಗಾಗಿ, For a change, ರಸ್ತೆ ಬದಿಯಲ್ಲಿದ್ದ "Upahaara Saagara" ದ ಬದಲು, ಹಿಂಬದಿಯ ರಸ್ತೆಯ "Coffee Day"ಗೆ ಹೋದ. ಆಲ್ಲಿ ಕಾಫಿಯನ್ನು ಆಸ್ವಾದಿಸಿದ ಎಲ್ಲರೂ, ವಠಾರಕ್ಕೆ ವಾಪಸಾದಾಗ, ವೆಂಕಿ ನಾಪತ್ತೆಯಾಗಿದ್ದ.

ಸಂಜೆ 6 ರ ನಂತರ.

Image
ಸಮಯ 6 ಆಯಿತು, PC ShutDown ಮಾಡಿ, ಮೆಟ್ಟಿಲಿಳಿಯುತ್ತಿದ್ದ ಸುಶ್ಮಳಿಗೆ Receptionನಲ್ಲಿ Project Manager ಧ್ವನಿ ಕೇಳಿಸಿತು. ತಕ್ಷಣ ಅವಳು Cell Phoneನ Switch Off ಮಾಡಿ, Cafeteria ಕಡೆಗೆ ಕಾಲ್ಕಿತ್ತಳು.

ನಿಟ್ಟುಸಿರು.

ತಿರುಗುತ್ತಿದ್ದ Fan,Current ಹೋದ ಕಾರಣ ನಿಂತು ಹೋಯಿತು. Fanನಿನೆಡೆಗೆ ನೋಡಿದ ಶ್ರುತಿ, "ಛೆ! ಆಗಲೇ ನಾ Mobile Chargige ಇಡಬೇಕಿತ್ತು" ಎಂದು ಮನಸ್ಸಿನಲ್ಲೇ ತನ್ನ ಸೋಮಾರಿತನಕೆ ಹಿಡಿಶಾಪ ಹಾಕಿದಳು.ಚೂರು ಬೇಜಾರಿನಲ್ಲಿದ್ದ ಆಕೆ, ಪದೇ ಪದೇ ಫೋನಿನೆಡೆಗೆ ಕಣ್ಣಾಡಿಸುತ್ತಿದಳು. ಅಷ್ಟರಲ್ಲಿ, ಅಮ್ಮ ಊಟಕ್ಕೆ ಬಾ ಎಂದು ಕರೆದಾಗ, ಇಲ್ಲಿ Mobile ರಿಂಗಣಿಸತೊಡಗಿತು. ಭರತನ Call ಇರಬಹುದೇನೋ ಎಂದು Call Receive ಮಾಡುವಷ್ಟರಲ್ಲಿ, Battery ಕೂಡ ಮುಗಿದು, Call Cut ಆಯಿತು. ಇದನ್ನೆಲ್ಲಾ ನೋಡುತ್ತಿದ್ದ ಅಮ್ಮ ನಿಟ್ಟುಸಿರಿಟ್ಟರು.

Nano Stories...

Nano Stories....ಇದು ನನ್ನ ಹೊಸ ಪ್ರಯೋಗ. These are very short stories with a twist at the end. (Not to make you feel bored) ನಾ ಬರೆದ ಕೆಲವು Nano ಕಥೆಗಳ ಸಂಗ್ರಹ ಮೇಲಿವೆ.

ನೆಗಡಿ.

Image
ಕೆಮ್ಮಿದೆ ಗಂಟಲು, ಕಟ್ಟಿದೆ ಮೂಗು, ಶೀತವೊ, ಉಷ್ಣವೊ ಕಾಣೆನು ನಾನು. ಊಟದಿ ರುಚಿಯು ಹತ್ತುತ್ತಿಲ್ಲ, ಅಡುಗೆಯ ವಾಸನೆ ತಿಳಿಯುತ್ತಿಲ್ಲ. ಸೀನಿಗೆ ಸಿಲುಕಿ ನಲುಗಿದೆ ದೇಹ, ಶ್ರದ್ಧೆಯೆ ಇಲ್ಲದೆ ಅಲುಗಿದೆ ಕಾಯ. ಮಾತೇ ಹೊರಡದೆ ಸೊರಗಿದೆ ದನಿಯು, ಕಣ್ಮರೆಯಾಗಿದೆ ಲವಲವಿಕೆಯ ನಗುವು. ಮಾತ್ರೆಯ ನುಂಗಿದೆ, ಕುಡಿದೆ ಕಷಾಯ, ನಿದ್ರೆಯ ಬರಿಸಿದೆ, ಏರಿಸಿ ನಶೆಯ. ಮದ್ದಿನ ಮತ್ತಲಿ ಸಾಗಿದೆ ಜೀವ, ಬರಿ ಮೂರೇ ತಾಸು ಇದರ ಪ್ರಭಾವ. ಪರೀಕ್ಷಿಸಿ ನನ್ನ ಸಂಯಮದಾ ಗಡಿ, ಜೀವವ ಹಿಂಡಿದೆ ಈ ನೆ-ಗಡಿ.

ನೆನಪುಗಳು.

Image
ಬರಿದಾದ ಮನದಲಿ , ಆಲಸ್ಯದ ಮಡುವಲಿ, ಕುಂಟುತ ಬಂದವು ನೆನಪುಗಳು, ನೆನೆಸಲು ಕಳೆದುಹೋದ "ಆ ದಿನಗಳು". ಕೆಲ ಜನಗಳ, ಕೆಲ ಸ್ಥಳಗಳ, ಕೆಲ ಮನಗಳ, ಕೆಲ ದಿನಗಳ, ಸುತ್ತ ಹರಿಹಾಯ್ದವು ಆ ನೆನಪುಗಳು, ಮತ್ತೆ ಕಲ್ಪನೆಯ ಲೋಕವ ವಿಸ್ತರಿಸಲು. ಬೇಡೆನಿಸಿದ ಮಾತುಗಳ ಕೇಳಿಸಿ, ಇಷ್ಟವಾಗದ ಸನ್ನಿವೇಶವ ಬಣ್ಣಿಸಿ, ಮನದಂಗಳದಿ ಬೇಸರಿಕೆಯ ರಂಗೋಲಿಯ ಬಿಡಿಸಿದವು ಆ ನೆನಪುಗಳು, ಸಾಕೆಂದರೂ ಛೇಡಿಸಿ ಮರೆಯಾದವು ಆ ನೆನಪುಗಳು. ಸರಿದ ಅನುಭವಗಳ ಅವಶೇಷಗಳಡಿಯಿಂದ, ಕದ್ದು ತರುವುದು , ಮರೆತ ಆ ಸುಂದರ ಕ್ಶಣವ. ತುಟಿಯಂಚಲಿ ನಗುವಾಗಿ , ವಿಶ್ವಾಸದ ಅಲೆಯಾಗಿ, ನಲಿಸುವುದು , ನಗಿಸುವುದು ನೊಂದ ಈ ಮನವ. ಏಕಾಂಗಿತನದ ಸಂಗಾತಿಯು ಈ ನೆನೆಪುಗಳು, ಏಕೀಕರಣಕೆ ಕಾರಣವೂ ಈ ನೆನೆಪುಗಳು. ನೆನಪಿರಲಿ , ಕಹಿ ನೆನಪುಗಳ ಹರಿವಿಗೆ ಕಡಿವಾಣವಿರಲಿ. ಸೊಗಸಾದ ಸಿಹಿ ನೆನಪುಗಳೆಂದೂ ಬತ್ತದಿರಲಿ.

ಸಾವಿನ ಸಂಕೋಲೆ.

Image
ಭಾವನೆಗಳು ಮಾತಿಲ್ಲದೆ ಮೌನಿಯಾಗಿವೆ, ಪರಲೋಕದ ಬಾಂಧವ್ಯತೆ ಸನಿಹವಾಗಿವೆ. ಜೊತೆ ಕಳೆದ ಮಧುರ ಕ್ಷಣಗಳು ಇನ್ನಿಲ್ಲವಾಗಿದೆ. ನನಸಾಗಿದ್ದ ದಿನಗಳೆಲ್ಲವೂ ಇಂದು ಕನಸಾಗಿದೆ, ಇನಿಯನ ನೆನೆ ನೆನೆದು ಮನ ಸೊರಗಿದೆ, ವಿರಹದ ಬಾಳಿಗೆ ತನು ಕೊರಗಿದೆ. ಅಂತರಂಗದ ಸಂಗ ಹಿತವೆನಿಸಿದೆ, ಜವರಾಯನ ಕೃತ್ಯಕ್ಕೆ ಮನವು ತಾ ಮುನಿದಿದೆ. ಯಾರು ಬಲ್ಲರು ಸಾವಿನ ಆಗಮನವ? ಯಾರು ತಿಳಿಯರು ಜೀವನದ ನಿರ್ಗಮನವ. ಬಿಡಿಸಲಾಗದು ಬದುಕಿನ ಜಂಜಾಟದ ಬಲೆಯ, ಅಳಿಸಲಾಗದು ಅವ ಬಿಟ್ಟು ಹೋದ ನೆನಪಿನ ಕಲೆಯ. ಸಾವೆಂಬುದು ಅರಗಿಸಲಾಗದ ಕಟು ಸತ್ಯ, ಬದುಕೇ ಶಾಶ್ವತವೆಂಬುದು ಜನ ನಂಬದ ನಿಜ ಮಿಥ್ಯ. ಮೋಹ ಮಾಯೆಯ ಈ ಜಗದಲಿ ಸಾವಿಲ್ಲದ ಬಾಳಿಲ್ಲ, ಸಾವೇ ಇರದ ಮನೆಯ ಸಾಸಿವೆ ಕಾಳಿಲ್ಲ.

ಪದಬಂಧದ ಜೀವನ.

Image
ಪದಬಂಧವಾಗಿದೆ ನನ್ನೀ ಜೀವನ, ಇರುವುದಿಲ್ಲಿ ಬರೀ ಸುಳಿವುಗಳ ತಿರುವುಗಳು. ಬಾಳಿನ ಒಂದು ಪ್ರಶ್ನೆಗೆ ಸಿಕ್ಕಿದರೆ ಸರಿ ಉತ್ತರ, ತುಂಬಬಲ್ಲೆ ಉಳಿದೆಲ್ಲ ಖಾಲಿ ಡಬ್ಬವ. ಹರಿಯುವುದು ಕಷ್ಟಗಳು ಮೇಲಿಂದ ಕೆಳಕ್ಕೆ, ಹಾಯುವುದು ಚಿಂತೆಗಳು ಎಡದಿಂದ ಬಲಕ್ಕೆ. ಬೇಕಿರುವನೊಬ್ಬ ಸಾಲುತ್ತರಗಳ ಸರದಾರ, ಜೀವನದ ಪದಬಂಧವ ಖಾಲಿ ಬಿಡದ ಸುಖಧರ.

ಅಮಾಯಕ.

ರಸ್ತೆ ಬದಿಯಲಿ, ತುಂಡು ಬಟ್ಟೆಯಲಿ, ಕೊರಗಿತಾ ಜೀವ ನಿಸ್ಸಹಾಯಕ ಸ್ಥಿತಿಯಲಿ. ಉಣ್ಣಲು ಅನ್ನವಿಲ್ಲ, ಸಂಸಾರ ಸುಖವಿಲ್ಲ, ಭಾವನೆಗಳ ಹಂಚಿಕೊಳ್ಳಲು ಯಾರೂ ಇಲ್ಲ. ಏಕಾಂಗಿತನವ ನೆನೆನೆನೆದು ಮನದಲ್ಲೆ ಕೊರಗಿತು, ಮರುಕ್ಷಣವೆ ಸಮಾಧಾನಿಸಿ, ಮತ್ತೆ ವಾಸ್ತವತೆಗೆ ಮರಳಿತು. ಧ್ಯಾನಿಸಲು ದೇವರ ಮೇಲೆ ಭಕ್ತಿ ಇಲ್ಲ, ದುಡಿಯಲು ದೇಹದಿ ಶಕ್ತಿ ಇಲ್ಲ, ಕಾಲ ಕಳೆಯಲು ಆಪ್ತೇಷ್ಟರಿಲ್ಲ. ಜೀವಿಸಲೊಂದು ಸೂರಿಲ್ಲ, ನಗಲೊಂದು ಕಾರಣವಿಲ್ಲ. ಅಸಹಾಯಕನಾಗಿಹನು ಈ ಅಮಾಯಕ, ಇವನೇ ಈ ದೇಶದ (ಅ)ನಾಗರಿಕ.

ಹರಟೆ ಕಟ್ಟೆ.

Image
ಒಣ ಹರಟೆಯಲ್ಲಿ ಶುರುವಾದ ಸಂವಾದ, ಸೃಷ್ಟಿಸಿತು ಬರಿಯ ವಿವಾದ. ಬೆಳೆಯಿತು ವಾದಕ್ಕೆ ಪ್ರತಿವಾದ, ಹೆಚ್ಚಾಯಿತು ಕಿರುಚಾಟದ ನಿನಾದ. ಸಾಗಬೇಕಾದವರು ತಮಾಷೆಯ ಹಡಗಿನಲಿ, ಎಡವಿದರು ಅಮಾವಾಸ್ಯೆಯ ಮಡುವಿನಲಿ. ಅರಿಯದೆ ನುಡಿದ ಕೀಟಲೆ ಪದಗಳು, ನೇರಕೆ ತಟ್ಟವು ಮನಸಿನ ಕದವನು. ಬೇಡದ ಮಾತಿನ ಹರಟೆಕಟ್ಟೆ, ಸಿಡಿಸಿತು ಸ್ನೇಹದ ಆಣೆಕಟ್ಟೆ.

ತುಂಟ ತಮ್ಮ.

Image
ತಮ್ಮನೆಂಬ ಆಮ್ಮನ ಭಂಟ, ಸ್ವಭಾವದಲ್ಲಿ ಚೂರು ಒರಟ. ಓದಿನಲ್ಲಿ ಸ್ವಲ್ಪ ಹಿಂದೆ, ತುಂಟತನದಿ ಎಂದೂ ಮುಂದೆ. ಮೊಂಡುತನವ ಬೆಳೆಸಿಕೊಂಡು, ಛಲವ, ಹಟವ ಇರಿಸಿಕೊಂಡು, ಗಳಿಸುವನು ಲೋಕ ಜ್ಞಾನವ. ಕಟ್ಟುವನು ಸ್ನೇಹ ಬಳಗವ. ಮಕ್ಕಳಲ್ಲಿ ಪ್ರೀತಿಪಾತ್ರ. ಆಮ್ಮನಿಗೆ ತುಂಬ ಹತ್ರ. ಆಪ್ಪನಿಗೆ ಹೆದರುವವ, ಅಕ್ಕನಲ್ಲಿ ಬಾಲ ಬಿಚ್ಚುವನಿವ. ಅಕ್ಕಳೆಂಬ ಆಕ್ಕರೆಯೊಡತಿ, ಈ ಸಮಯಸಾಧಕನ ನೆಚ್ಚಿನ ಗೆಳತಿ. ಅವನ ಹೆಚ್ಚು ಬಲ್ಲಳೀಕೆ. ಕೀಟಲೆಗೆ ಸಾಟಿ ಈಕೆ. ತಪ್ಪಿತಸ್ಥ ಅವನ ಮೋರೆ, ಗುರುತಿಸುವಳು ಅಕ್ಕ ಜಾಣೆ. ತರತರದಿ ಪ್ರಶ್ನೆ ಹಾಕಿ, ಕಾಡಿಬೇಡಿ ಗೇಲಿ ಮಾಡಿ, ಸತ್ಯವ ಅವನಿಂದಲೆ ತಿಳಿವಳು. ತಪ್ಪಿದ್ದರೆ ಎರಡೇಟು ಹೊಡೆವಳು. ತಪ್ಪು ಮಾಡಿ, ನೊಂದು ಕೊಂಡು, ಅಕ್ಕನಿಂದ ಏಟ ತಿಂದು, ಮಂದ ನಗೆಯ ಒಮ್ಮೆ ಬೀರುವನು. ಕೋಪವನ್ನು ನಗುವಲ್ಲೆ ಕಾರುವನು. ಅವಳ ಜಡೆಯ ಹಿಡಿದು ಎಳೆದು, ಅವಳ ಸನಿಹ ಮತ್ತೆ ಪಡೆದು, ಸಮಯ ನೋಡಿ, ಪೂಸಿ ಹೊಡೆದು, ಆಕ್ಕನ ಸಲಿಗೆ ಗೆಲ್ಲ ಬಲ್ಲ ಜಾಣನಿವ. ಆವಳ ಹೃದಯ ಗೆಲ್ಲೋ ಮಾತಿನ ಮಲ್ಲನಿವ. ತಮ್ಮನಿಗಿಂತ ಗೆಳೆಯನಿಲ್ಲ, ಮುಚ್ಚು ಮರೆಯ ಪರದೆ ಇಲ್ಲ. ತಮ್ಮನಿಂದ ಬಾಳು ಬೆಳಕು. ಅವನಿಂದ ಜೀವನ ಹೊಸತು.

ರೂಪದರ್ಶಿ ಗಣೇಶ

Image
ಇದೋ ನೋಡಿ ನಮ್ಮ ಗಲ್ಲಿ ಗಣೇಶ, ವಿವಿಧ ರೂಪದಲ್ಲಿ ರೂಪದರ್ಶಿ ಗಣೇಶ. ಮಿಂಚಿರುವನು ನಾನಾ ರೂಪದಲ್ಲಿ ವಿಘ್ನೇಷ, ಯಾರಿಗುಂಟು ಯಾರಿಗಿಲ್ಲ ಇಂತೊಳ್ಳೆ ಅವಕಾಶ. ಬಾಲಕೃಷ್ಣನಾಗಿ ಜನ್ಮಿಸಿಹನು ಸಮಯಸಾಧಕ, ರಾಮನಾಗಿ ಕಾಡಿಗೆ ಹೊರಟಿಹನು ಸೀತಾನ್ವೇಷಕ. ಕ್ರಿಕೆಟ್ಪಟುವಾಗಿ ಕೈಯಲ್ಲಿದೆ ಚೆಂಡದು, ಫ಼ುಟ್ಬಾಲ್ಪಟುವಾಗಿ ಕಾಲಂಚಲ್ಲಿದೆ ಚೆಂಡದು. ಟಪೋರಿಯಾಗಿ ಚಂದಾ ವಸೂಲಿ ಮಾಡುತಿಹನು ಪೋಲಿಯು, ವೈದ್ಯನಾಗಿ ಮಕ್ಕಳಿಗೆ ಹಾಕುತಿಹನು ಪೋಲಿಯೊ. ದರ್ಜಿಯಾಗಿ ಸೂಜಿ ಹಿಡಿದು ಹೊಲಿಯುವನು ಬಟ್ಟೆಯ, ನಿರ್ವಾಹಕನಾಗಿ ಪ್ರಯಾಣಿಕರಿಗೆ ಹಂಚುವನು ಚೀಟಿಯ. ವಂಚಿಸುವನು ಜನರಿಗೆ ಈ ಮಾರ್ವಾಡಿ ವರ್ತಕ, ಸೀರೆಯನ್ನು ಅಳೆಯುತಿಹನು ಈ ಸೀರೆಯಂಗಡಿ ಸೇವಕ. ವಕೀಲನಾಗಿ ಜನತೆಗೆ ದೊರಕಿಸುವನು ನ್ಯಾಯವ, ಅಭ್ಯಂತರನಾಗಿ ಪೀಡಿಸುವನು ಅವನ ವಾಹನ ಮೂಷಕವ. ಪುಢಾರಿಯಾಗಿ ಟೋಪಿಯೇರಿಸಿ ತೊಟ್ಟಿರುವನು ಖಾದಿಯ, ಪೂಜಾರಿಯಾಗಿ ಜುಟ್ಟು ಬಿಟ್ಟಿ ಉಟ್ಟಿರುವನು ಕಾವಿಯ. ಹಜಾಮನಾಗಿ ಕೈಯಲ್ಲಿ ಹಿಡಿದಿರುವನು ಕತ್ತರಿಯ, ಚಿತ್ರನಟನಾಗಿ ಸೊಂಟವ ಹಿಡಿದಿರುವನು ಪೋರಿಯ. ಶಿಕ್ಷಕನಾಗಿ ಕೋಲು ಹಿಡಿದು ಕೊಡುವನು ಮಕ್ಕಳಿಗೆ ಕಾಟವ, ಖೈದಿಯಾಗಿ ಫೋಲಿಸರಿಗೆ ಆಡಿಸುವನು ಆಟವ. ಮಾಡುತಿಹವು ಇಲಿಗಳು ಸಣ್ಣ ಪುಟ್ಟ ಕೆಲಸವ, ವಹಿಸಿಕೊಂಡಿವೆ ಬಸ್ ಡ್ರೈವರ್, ಜೈಲರ್ ಕೆಲಸವ. ಅಂಪೈರ್ ಆಗಿ, ಕಾಂಪೌನ್ಡರ್ ಆಗಿ ಮಾಡುವುವು ಸಹಾಯ, ಐದು ದಿನಗಳಾದ ಮೇಲೆ ಹೇಳುವರೆಲ್ಲರು ವಿದಾಯ. ಇದೋ ನೋಡಿ ನಮ್ಮ ಗಲ್ಲಿ ಗಣೇಶ, ವಿವಿಧ ರೂಪ...

ಪ್ರಕೃತಿಯಿಂದ ಕಲಿಯೋಣ

Image
ನವೋದಯವು ಅರಳಿಸಿದೆ ನಗು ಮೊಗದ ಮೊಗ್ಗನ್ನು, ಅದರ ಚೈತನ್ಯ ಹಿಗ್ಗಿಸಿದೆ ಭ್ರಮರಗಳು ಹೀರಿ ಮಕರಂದವನು. ಪ್ರಕೃತಿಯಿಂದ ಪಡೆಯೋಣ ಸ್ಪೂರ್ತಿಯ, ಸಾರುವ ಅವರಂತೆ ಪ್ರೀತಿಯ.

ನೀನಿಲ್ಲದೆ ನಾನು, ಚಂದ್ರನಿಲ್ಲದ ಬಾನು.

Image
ನೀನಿಲ್ಲದೆ ನಾನು, ಚಂದ್ರನಿಲ್ಲದ ಬಾನು. ತಾರೆಗಳಿರುವರು ಸಾಕಷ್ಟು, ಆಪ್ತರಿರುವರು ಬೇಕಷ್ಟು. ಮಿನುಗುವರು, ಬೆಳಗುವರು, ನೀನಿಲ್ಲದಾಗ ಜೊತೆಯಿರುವರು. ಆದರೂ ನೀನಿಲ್ಲದೆ ನಾನು, ಚಂದ್ರನಿಲ್ಲದ ಬಾನು. ನಿಶೆಯ ನಶೆ ಏರಿಸುವ ಚಂದ್ರ , ಬೆಳದಿಂಗಳು ಹರಿಸುವ ನೀನೆ ಚೆಂದ. ಇರುಳ ಶೃಂಗಾರ ನಿನ್ನಿಂದ ಪೂರ್ಣ, ಬೆಳಕ ಹರಿಸಲು ತೋರೆ ನೀ ಭೇದ ವರ್ಣ. ಗೆಲ್ಲುವೆನು ಎಲ್ಲವನು ನೀನಿರಲು ನಾನು. ನೀನಿಲ್ಲದಿರೆ ನಾನು, ಬರಿದಾದ ಬಾನು.

ನನ್ನತನ ನನ್ನೊಂದಿಗಿರಲಿ.

Image
ನನ್ನತನ ನನ್ನೊಂದಿಗಿರಲಿ. ನನ್ನ ಪರವಾಗಿರಲಿ. ಇಲ್ಲದ ಸಂಗತಿ ಸೃಷ್ಟಿಸಿ ಚಿತ್ತವ ಅಲುಗಿಸದಿರಿ, ಸಲ್ಲದ ಮಾತನ್ನಾಡಿ ಮನವ ಕರಗಿಸದಿರಿ, ಬೇಡದ ಭಾವನೆಗಳ ಬೆಳವಣಿಗೆ ಬೇಡ, ಕ್ಷೀಣ ಬುದ್ದಿಯ ಪ್ರದರ್ಶನ ಬೇಡ. ಬೇಕಿಲ್ಲ ನಿಮ್ಮ ಆಲೋಚನೆಯ ಪ್ರಯೋಗ ನನ್ಮೇಲೆ. ಬೇಕಿಲ್ಲ ನಿಮ್ಮ ಕನಸುಗಳ ಅಳವಡಿಕೆ ನನ್ಮೇಲೆ. ಕಾಡದಿರಲಿ ನಿಮ್ಮ ದಾಸ್ಯತೆಯ ಹಂಗು. ತಾಗದಿರಲಿ ನಿಮ್ಮ ಕೊಂಕು ನುಡಿಗಳ ಸೋಂಕು. ನನ್ನತನ ನನ್ನೊಂದಿಗಿರಲಿ. ನನ್ನ ಪರವಾಗಿರಲಿ.

ನನ್ನ ವಾಕಿಂಗಾಯಣ

Image
ಪ್ರತಿ ದಿನ ನಾ ಮನಸಿಲ್ಲದ ಮನಸ್ಸಿನಿಂದೇಳುವೆ, ಲಗುಬಗೆಯಿಂದ ನಾ ನಮ್ಮ ಮನೆಯ ಗೇಟ ದಾಟುವೆ. ನನ್ನ ಸಂಗಾತಿಯಾಗಿ ಬರುವುದು ನನ್ನ ಹರ್ಕ್ಯುಲಿಸ್ ಸೈಕಲ್, ಕೊಂಚ ಭಾರವಾದರೂ ಪರವಾಗಿಲ್ಲ ಇದು ನನ್ನ ನೆಚ್ಚಿನ ಬೈಸಿಕಲ್. ಹತ್ತು ನಿಮಿಷದಲ್ಲಿ ನಾ ಸೇರುವೆ ಕಬ್ಬನ್ ಊದ್ಯಾನ, ಅಲ್ಲಿ ಶುರು ಹಚ್ಚಿಕೊಳ್ಳುವೆ ನಾ ನನ್ನ ಕವಿತೆಯ ವ್ಯಾಖ್ಯಾನ. ಈ ಮಧ್ಯೆ ಕಾಣುವೆ ತರತರದ ಜನರ, ಕಾಣಿಸುವರು ಅವರು ಕೂಡ ನಡೆಸಿದಂತೆ ನಿದ್ರಾ ದೇವತೆಯ ಜೊತೆ ಸಮರ. ಕೆಲವರು ಲಾಫಿಂಗ್ ಥಿರಪಿಯಲ್ಲಿ ನಿರತರಾದರೆ, ಕೆಲವರು ಟಾಕಿಂಗ್ ಥಿರಪಿಯಲ್ಲಿ ನಿರತ. ಕೆಲವರು ತಮ್ಮ ದೇಹವನ್ನು ದಣಿಸುವಲ್ಲಿ ನಿರತರಾದರೆ, ಮತ್ತಲವರು ನಿದ್ರಿಸುವುದರಲ್ಲಿ ನಿರತ. ಮಹಿಳೆಯರದೇ ಇಲ್ಲಿ ಬೇರೆ ಗುಂಪು, ಅಲ್ಲಾಗಿರುವುದು ನಿಜವಾದ ವಾಕಿಂಗ್ ತಂಪು. ಅವರಲ್ಲಿ ನಡೆದಿರುವುದು ಅಡುಗೆ, ಮನೆ ಮಕ್ಕಳ ಬಗ್ಗೆ ಚರ್ಚೆ, ಹಾಗು ಬೇರೆಯವರ ಮನೆಯಲ್ಲಾಗುವ ವಿಷಯಗಳ ಬಗ್ಗೆ ವಿಮರ್ಶೆ. ನಾಯಿಗಳಿಗೂ ತಪ್ಪದು ತಮ್ಮ ಮಾಲೀಕರ ಕಾಟ, ಅವೂ ವಾಕಿಂಗೆ ಬರಲು ಪಡುವವು ಪರದಾಟ. ಮಾಡುವವು ಅವೂ ತಾಜಾ ಹವಾ ಸೇವನೆ ಪಾಪ, ಹಾಗು ನಡೆಸುವುವು ಬೇರೆ ಶ್ವಾನಗಳೊಂದಿಗೆ ಸರಸ ಸಲ್ಲಾಪ. ವಾಕಿಂಗ್, ಜಾಗಿಂಗ್ ಅಲ್ಲದಿದ್ದರು ನಾ ಬರೀ ಸೈಕ್ಲಿಂಗ್ ಮಾಡುವೆ, ಹೊತ್ತ ನೊಡಿ, ತಡವಾಯಿತೆಂದು ಕೊಂಡಿ, ವಾಪಸ್ ನನ್ನ ಸೈಕಲ್ ಹತ್ತುವೆ.